لا يوجد باب مصفح لا يمكن فتحة او اقتحامة مهما كانت قوة تصفيحة. الفرق بس فى الوقت والأدوات والمجهود اللى هياخده كل باب اثناء محاولة اقتحامة وكذلك عامل الصوت اثناء محاولة الأقتحام. بصفة عامة نقطة ضعف اى باب هى قلب الكالون والمفصلات. الباب الصينى مش هياخد وقت كتير وبأدوات بسيطة ممكن فتحة بسهولة ودا علشان الصاج المستخدم فى التصنيع خفيف جدا سمكة تقريبا 0.5 مم كمان الكوالين المستخدمة فى الباب الصينى شكلها قوى وكبيرة لكن فى الحقيقة ضعيفة جدا وانواع غير معروفة وغير متاحة فى السوق المصرى الا من خلال المستورد.بصفة عامة لا ينصح بالباب الصينى. الباب التركى متاح منة مستويات مختلفة فى قوة التصفيح.. - مستوى تصفيح ضعيف بيسمى " 1/4 تصفيح " وهو عبارة عن تصفيح مكان او بيت الكالون فقط من الداخل وباقى الباب عبارة عن علب من الداخل وعليها الخشب من الجهتين, وبيكون قريب من مستوى تصفيح الصينى ودا سهل اقتحامة وسعرة بيتراوح بين 3500 الى 3800ج - مستوى تصفيح عالى بيسمى" تصفيح كامل" وبيكون الباب بالكامل مصفح من الداخل بصاج سمك 1.25 الى 1.5 مم والكوالين المستخدمة ماركة HOK. ودا بيكون مقاوم للأقتحام بنسبة كبيرة وسعرة بيتراوح من 3900 الى 4500 ج حسب الشكل وسمك الصاج المستخدم. الباب الإيطالى بتكون جودة تصفيحة اعلى والكالون المستخدم كالون Yale ايطالى وبياخد وقت اطول فى محاولة فتحة لكن سعرة غالى جدا بيتراوح من 14000 الى 17000 ج والخشب بيقفل فى مصر . الباب المصرى من اقوى الأبواب المصفحة المتاحة فى السوق المصرى حيث يتم تصنيعة بالكامل من صاج محمل 2 مم,والكوالين المستخدمة ماركة كالى او كالون شيزا ايطالى ويتم تركيب وش حماية صلب على قلب الكالون لحمايتة من الكسر. والباب بيثبت لحام ومونة اسمنتية ودا بيساعد جدا فى مقاومة الأقتحام وسعرة بيتراوح من 8500 الى 10000 ج حسب الشكل والكوالين المستخدمة. فى حالة وجود اى استفسارات فنية يمكن التواصل عن طريق الميل او الأتصال بالشركة.جميع الأستشارات الفنية مجانية.